گه‌لی کورد به‌گشتی و ژنی کورد به تایبه‌تی له پێناو به‌دیهێنانی ئیراده و ناسنامه‌ی ئازادی خۆیدا گه‌لێک به‌ده‌لی گه‌وره‌ی دا و، هێشتاش به‌رده‌وامه و له‌مه‌ودواش وه‌ک نه‌ریتێک رۆژه‌کانی مێژوو ده‌نه‌خشێنێ. ئه‌ندام بووین له‌نێو ته‌ڤگه‌رێکی وه‌ک YJA-STARدا به‌ڕاستی غرور و شکۆمه‌ندی و روومه‌تێکی مه‌زنه چونکه هه‌موو رۆژێ رۆحی پیرۆزی مرۆڤ تیایدا خۆ به‌خه‌ت ده‌که‌ن و ئه‌وانه‌شی که ده‌ژین له هه‌وڵی خۆبه‌هێزکردندان له دژی کۆیلایه‌تی. رێکخستنی YJA-STAR به‌خوێنی به هه‌زاران کچی جوان ئاو دراوه و رێکخستنێکی جه‌وهه‌ری ژنه، بۆیه ئه‌مڕۆ هیوای ژنه ئازارچه‌شتوه‌کانه و پێشه‌نگی جه‌ساره‌تی ژنه، یانی ده‌توانم بڵێم که YJA-STAR خوداوه‌ندی جه‌ساره‌ت و سزادانی پیاوه زۆردار و درۆزنه‌کانه. YJA-STAR په‌ناگه‌ی ئه‌و ژنانه‌یه که له ئازادی و سه‌ربه‌خۆیی ده‌گه‌ڕێن، بۆیه ده‌بێ هیچ کادیرێکی ژن چ له‌نێو PKK و YJA-STAR و چ له‌نێو هیچ رێکخستنێکی دیکه‌ی حه‌رکه‌تی ژندا خۆی بێ به‌ری نه‌کا له‌م روومه‌ته و هیچ کاتێ نکوڵی لێنه‌کا و یان لاوه‌کی نه‌بینێت. ئه‌وه‌ی له‌م زه‌مینه رابکات و یان مانای نه‌داتێ، بزانه له ئازادی خۆی راده‌کات و مانا ناداته تێکۆشانی ئازادی خۆی، چونکه ئێمه وه‌کو ژنی کورد له زه‌مینی گه‌ریلادا باوه‌ڕی، ئیراده و هێزی جه‌وهه‌ری عاید به ژنانمان په‌یدا کرد و ئه‌مڕۆ هه‌موو رێکخستنه‌کانی دیکه‌ی ژنیش له باوه‌شی دایکه “ستار”ه‌وه له دایک بوون و گه‌وره بوون.
هه‌ریه‌ک له ئێمه ئه‌گه‌ر له ئازادی راسته‌قینه ده‌گه‌ڕێین ئه‌وا ده‌بێ له‌و رێنماییه‌ی سه‌رۆک تێبگه‌ین که ده‌ڵێ:”هه‌موو که‌س له چیا دابه‌زن، کچان ده‌بێ بمێننه‌وه و له ئازادی خۆیان بگه‌ڕێن”، ئه‌وه بۆ هه‌مووان مه‌بده‌ئێکی سه‌ره‌کی خۆ رێکخستنه له ده‌می نزیک و دووردا و ده‌بێ بێ ئه‌وه‌ی پشت ببه‌ستین به شێوه‌ی ژیان و ئوسله‌نمه و ته‌کتیکی ته‌ڤگه‌ری گشتی و یان بێ ئه‌وه‌ی چاوه‌ڕوانی ئه‌وه بکه‌ین که چاره‌سه‌ری کێشه‌ی نه‌ته‌وه‌ییمان بێت و ئێمه‌ش هه‌موو دابه‌زینه نێو سیسته‌م، ده‌بێ له پێناو پاراستنی جه‌وهه‌ری ژندا له شاره‌کانیشدا ببینه هێزی پێشخستن و پاراستنی ژنان، وه‌لێ ئه‌ساس جێگربوونمان له چیاکاندا بکه‌ینه کارێکی سه‌ره‌کی و له‌هه‌موو بواره‌کاندا خۆمان ئاماده بکه‌ین. به‌مه‌ش هه‌روه‌کو چۆن چیا بۆ گه‌لی کورد هه‌رده‌م بوو به جێی خۆپاراستن و ته‌سلیم نه‌بوونی. داگیرکه‌ران هاوکات ده‌بێ ئێمه‌ش وه‌کو ژنی کورد چیا بکه‌ینه قه‌ڵای پاراستنی ژنان و وارگه‌ی رێنسانس و رۆشنبوونه‌وه‌ی کۆمه‌ڵێک کادیر و پێشه‌نگ که به‌رده‌وام بتوانێ ئاراسته‌ی هێڵی ئازادی و سه‌ربه‌خۆیی بداته ئه‌و رێکخستن و ده‌زگایانه‌ی ژن که له نێو کۆمه‌ڵگادا کار ده‌که‌ن. واته ده‌بێ ده‌مدرێژ YJA-STAR و ئه‌و ژنانه‌ی که له دڵه‌وه له ئازادی راسته‌قینه ده‌گه‌ڕێن، بکه‌ینه ته‌ئمیناتی پاراستنی هێڵی ئایدیۆلۆژیای رزگاری ژن و نه‌هێڵین ببینه مه‌زهه‌بی سیسته‌می باڵاده‌ستی پیاو. ئه‌گه‌ر وه‌ها نه‌بێت، ئه‌وا مسۆگه‌ر ناتوانین خۆ له داوی سیسته‌می زۆردار و درۆزنی پیاو رزگار بکه‌ین چونکه له‌و سیسته‌مه‌دا هیچ شتێکی به به‌رژه‌وه‌ندی ژن نییه. که‌واته چیا بۆ ژنان ته‌نیا واتای خۆپاراستنێکی قه‌به‌ی چه‌کداری نییه و ئامانجیش ته‌نیا چاره‌سه‌ری کێشه‌ی نه‌ته‌وه‌یی نییه، به‌ڵکو هاوکات جێی پێگه‌یاندنی کادیری به ناسنامه و ئیراده‌ی ژنه و جێی رۆشنکردنه‌وه‌ی زهنیه‌ته، ئه‌گه‌ر هه‌ریه‌ک له ئێمه له‌م چیایه‌دا واتا و میسیۆنێکی وه‌ها نه‌ده‌ینه چیا و ئه‌م ژیانه‌مان و به گوێره‌ی ئه‌وه‌ش به‌جۆش و ئیدعا و بڕیارێکی علمی که‌سایه‌تی خۆمان پێنه‌گه‌یه‌نین و له دژی پاشڤه‌ڕۆیه‌تی و کۆیلایه‌تی خۆمان و فێڵبازی و درۆ و دووڕووی و باڵاده‌ستی پیاودا تێنه‌کۆشین ئه‌وا مومکین نییه که کێشه‌ی نه‌ته‌وه‌ییشمان چاره‌سه‌ر ببێ چونکه سه‌رنج بده‌ن له ساڵی 2003 و 2004دا ده‌رفه‌تێکی گرنگ هه‌بوو بۆ ئه‌وه‌ی که له ره‌وشی سیاسی ناوچه‌که سوودوه‌ربگرین و به‌ره‌و چاره‌سه‌ری هه‌نگاو هه‌ڵبنێین، به‌ڵام گرووپی چه‌ته و ته‌سلیمکاری نێوخۆی حه‌ره‌که‌ت رێیان لێگرت و رووبه‌ڕووی مه‌ترسییه‌کی گه‌وره بووینه‌وه له‌نێو ئه‌و گرووپه‌دا ژماره‌یه‌ک ژنیش هه‌بوون، ئه‌گه‌ر ئه‌و ژنانه له ئازادی راسته‌قینه بگه‌ڕانایه و هه‌ندێک ویژدان و ئه‌خلاقی ژنی کوردیان تیا بوایه، حه‌تمه‌ن ئه‌و گرووپه‌یان ته‌ئسیر ده‌کرد ورێگایان له‌و خیانه‌ته گه‌وره‌یه ده‌گرت، به‌ڵام به پێچه‌وانه‌وه رۆڵیان گێڕا و خیانه‌تیان گه‌یانده لووتکه و ته‌کانیان پێدا.
زۆر نمونه هه‌ن سه‌باره‌ت به رۆڵی ژن له خیانه‌ت و به‌رخۆدانی نێوخۆی ته‌ڤگه‌ری ئاپۆچیدا، نمونه‌ی هه‌ره نزیکیش ره‌ڤی “رێزان و نوژین” بوو…. که‌واته رۆڵی ئێمه ده‌ستنیشانکه‌ر و چاره‌نووسسازه، ئیدی با ئه‌مه بکه‌ینه گواره‌یه‌ک و بیکه‌ینه گوێمان و سه‌رانسه‌ر نزیک نه‌بینه‌وه و له بیرمان نه‌چێته‌وه، چونکه له بیرچوونه‌وه، خیانه‌ته.
نامه‌وێ زۆر درێژ بنووسم چونکه له هه‌موو جێیه‌ک له مانگی شوباتدا کۆنفرانسی کادیر ئه‌نجام ده‌درێ، له‌وێدا باوه‌ڕ ده‌که‌م که زۆر به به‌رفراوانی نیقاش ده‌کرێ و ئه‌و شتانه‌ی که من ده‌مه‌وێ بیڵێم، له‌من باشتر نیقاشی له سه‌ر ده‌که‌ن و بڕیار و پرۆژه‌ش ده‌رده‌که‌وێ، به‌ڵام ته‌نیا وه‌سیه‌تێکی من بۆ ئه‌و کۆنفرانسانه‌ش ئه‌وه‌یه که خۆمان فریو نه‌ده‌ین و به‌دوای ئیجادکردنی بڕیاری نوێدا نه‌گه‌ڕێین، ته‌نیا بڕیارێک هه‌یه که بیده‌ین ئه‌ویش ئه‌وه‌یه که ئایا به گوێره‌ی ئامانجی ئازادی ژیان ده‌که‌ین یان نا؟ یان وه‌ک سه‌رۆک پرس ده‌کات:”ژنی ئازاد کێیه؟ چۆن ده‌ژیت؟” وه‌ڵامی ئه‌م پرسیارانه‌ش بده‌ینه‌وه و بده‌ینه‌وه بڕیاری ته‌ڤلیبوونێکی له‌دڵ و مێشکدا و ویژداندا بده‌ین، به‌سه. دوای ئه‌وه زاته‌ن که‌سێکی به‌بڕیار و نه‌ت له ئامانجیدا هه‌ڵبه‌ته ده‌زانێ چۆن تێده‌کۆشێ، چۆن شه‌ڕ بکات، چۆن خۆی رێکبخات و سیسته‌می خۆی ئاوا بکات. له‌م چوارچێوه‌یه‌دا هیوادارم هه‌رکه‌سێ، به‌ڕێوه‌به‌رایه‌تی، یاپی ]هه‌ڤاڵان[، هه‌ڤاڵانی کۆن و نوێ به گشتی ئه‌م کۆنفرانسانه بکه‌نه‌وه وه‌سیله‌ی خاوێنکردنه‌وه‌ی دڵ و مێشک و بڕیاری ئه‌وه بده‌ن له چوینه سه‌ر کار و ئازادی به‌ولاوه هیچ شتێکی دی نه‌فکرن و شکایه‌ت نه‌که‌ین و به جه‌ساره‌ت بڕیاری سه‌رکه‌وتن بده‌ین. ئه‌وانه‌ی که کۆنن، خاوه‌ن ره‌نج و ئه‌زموونن با خۆیان له نه‌هیه‌لیزم رزگار بکه‌ن و به‌های خۆیان بزانن و هاوپه‌یمانی خۆیان له‌گه‌ڵ رێکخستن و ئازادیدا نوێ بکه‌نه‌وه، ئه‌وانه‌شی که نوێن با هیچ خۆیان بێچاره نه‌که‌ن و فه‌قیر نه‌که‌ن چونکه ئیمکانی ئازادیمان زۆره به‌س ته‌نیا با ته‌مه‌ڵی نه‌که‌ن و نه‌ترسن لێ بگه‌ڕێن و فێر ببن و تێبگه‌ن و بۆ ئه‌وه‌ی تێبگه‌ن و ببن به کادیری پاشه‌ڕۆژ با له سه‌رۆک و ژنه‌وه فێر ببن و ژن هێز ببینن و زوو نه‌شکێن و پاشگه‌ز نه‌بنه‌وه.
هه‌ر یه‌ک له ئێمه وه‌کو ژن له کۆمه‌ڵگاوه هاتووین و په‌نامان بردۆته به‌ر چیا و له‌م ژیانه‌دا له ئازادی ده‌گه‌ڕێین، یانی له کۆمه‌ڵگادا فاحیشه‌یه‌تی، ئینتیحار، زه‌واج، خوێندن هه‌تا دوایی گه‌لێک رێگای دی هه‌بوو، به‌ڵام به زانابوون و یان بێ زانابوون ئه‌و رێگایانه‌مان نه‌گرته‌به‌ر و به‌شداری ئه‌م ژیانه بوین. ئا لێره به‌دواوه ناکۆکییه‌ک هه‌یه و زۆر گرنگه که چاره‌سه‌ر بکرێ، ئه‌ویش ئه‌وه‌یه که سه‌ره‌ڕای ئه‌و راستییه خیانه‌ت و ره‌ڤ، و یان له‌م ژیانه‌دا له‌بن ناوی خۆشه‌ویستی و ئه‌شقدا خۆمان ده‌که‌ین به عایدی پیاوێک و هه‌وڵ ده‌ده‌ین که پیاوێکیش بکه‌ینه عایدی خۆمان. هه‌روه‌ها هه‌ندێک هه‌ڤاڵیش له‌وانه‌یه له‌نێو لێگه‌ڕیندا بن ئایا حه‌زکردن چییه و چۆنه و، یان هه‌ندێکیش ده‌ڵێن: زاته‌ن ئه‌مه شتێکی قه‌ده‌خه‌یه و وا باشه خۆ باسترمه بکه‌م و کار بکه‌م بۆ رێکخستن، به‌رده‌وام راده‌کات له‌م راستییه. هه‌ندێکیش ده‌ڵێن: ئاستێکی من هه‌یه، من ده‌توانم هه‌م له‌گه‌ڵ پیاوێکدا ژیان بکه‌م و جێی ئه‌و له دڵ و خه‌یاڵی خۆمدا بکه‌مه‌وه و هه‌م کاریش بۆ گه‌ل و سه‌رۆک و ژن بکه‌م. به هه‌ر حاڵ هه‌ریه‌که و به شێوه‌یه‌ک ناکۆکی ژیان ده‌کات و سه‌ره‌ڕای ئه‌وه‌ی که رێنمایی سه‌رۆک دیاره، هه‌ر یه‌که به گوێره‌ی خۆی رێبازێکی گرتۆته به‌ر. من ئه‌مه به کێشه‌یه‌کی سه‌ره‌کی ده‌زانم. وه‌ک هه‌ندێک هه‌ڤاڵ ده‌ڵێن:”ئه‌م کێشه‌یه دوای مه‌سه‌له‌ی ریفۆرمی جڤاکی ده‌رکه‌وت” وه‌هاش نایگرمه ده‌ست، چونکه ئه‌مه کێشه‌یه‌کی کۆمه‌ڵایه‌تی، مرۆڤایه‌تی و ده‌رئه‌نجام له نێو ئێمه‌دا کێشه‌یه‌کی ئایدیۆلۆژی و، ئه‌گه‌ر پێشتر له که‌سایه‌تییه‌کاندا چاره‌سه‌رکراو بوایه، ئه‌وا ریفۆرمی جڤاکی هیچ کاریگه‌رییه‌کی نه‌ده‌بوو. زاته‌ن له‌به‌ر ئه‌وه‌ی کێشه‌یه‌کی وه‌ها هه‌بوو، ئه‌و گرووپه نیازخراپه‌ش باسی له شتێکی وه‌ها کرد، بۆیه ده‌بێ پێش هه‌ر شتێ له ئایدیۆلۆژی و فه‌لسه‌فه‌ی سه‌رۆک ئاپۆ باش تێبگه‌ین که فه‌لسه‌فه‌ی حه‌زکردن و ئه‌شق به‌خۆیه. له‌م فه‌لسه‌فه‌یه‌دا عایدیه‌ت، موڵکیه‌ت و تاپۆکردن نییه، بۆیه پێویسته ئه‌م خاڵه به باشی نیقاش بکه‌ین و له ناخدا بڕیار بده‌ین و ته‌رجیح بکه‌ین، له‌م خاڵه‌دا ته‌ڤلی سه‌رۆک ببین و ئایدیۆلۆژی قبوڵ بکه‌ین. ئه‌وا له هه‌موو بواره‌کانی دیکه‌شدا مسۆگه‌ر ته‌ڤل ده‌بین و هیچ ئاسته‌نگییه‌ک نابێ له پێشماندا، چونکه خودی سه‌رۆکیش ده‌ڵێ شه‌ڕی ئێمه له جه‌وهه‌ردا شه‌ڕی ئه‌شق و خۆشه‌ویستییه، جا ئه‌گه‌ر ئه‌مڕۆ له کاره‌کانماندا وه‌کو کادیر چ کوڕ چ کچ به‌نیوه‌ناچڵ ئه‌نجام ده‌گرین وه یان زۆرجار ئه‌نجام ناگرین، راسته‌وخۆ په‌یوه‌ندی به‌م مه‌سه‌له‌یه‌وه هه‌یه. واته به ئه‌شق و حه‌زکردن تێناکۆشین و وزه‌مان ناخه‌ینه خزمه‌ت ئامانج، چونکه هێشتا له ناخی ئێمه‌دا ئه‌شق و خۆشه‌ویستی وه‌ک تابۆیه‌که ولێی بیانین وه یان وه‌ک قه‌ده‌خه تێگه‌یشتووین یان وه‌ک مه‌سه‌له‌یه‌که له دوای شۆڕش ژیان بکرێت، هه‌ریه‌ک له‌م بۆچوونانه هه‌ڵه‌ن و نیمچه‌ن.
به نێرینی منیش خۆشه‌ویستی و ئه‌شق له‌م ژیانه‌دا شاراوه‌یه و به‌ره‌و تێکۆشان ده‌توانرێ ببینرێ بۆ ئه‌وه‌ی به ئه‌شق و خۆشه‌ویستی ژیان بکه‌ین، مه‌رج نییه پیاوێک و یان ژنێکت هه‌ڵبژاردبێ و تایبه‌تت کردبێ به‌خۆت، چونکه تۆ ده‌توانی وه‌ک مرۆڤێک خۆشت بوێ، چونکه ئێمه پێش ئه‌وه‌ی ببینه ژن و پیاو، مرۆڤین وه یان مناڵین بۆیه با خۆشه‌ویستی و ئه‌شقمان وه‌ک مرۆڤ و مناڵ خاوێن بێت، با خۆشه‌ویستی و هه‌ستی ئه‌شقمان له که‌سێکدا زیندان نه‌که‌ین و ئه‌سیر نه‌که‌ین، زاته‌ن لای من له‌م سه‌رده‌مه‌ی ئێستاماندا گه‌ڕان به‌دوای ژنێکدا و یان پیاوێکدا که له‌گه‌ڵیدا ژیان بکه‌ین و باسی خۆشه‌ویستی بۆ بکه‌ین، غه‌فڵه‌ته، چونکه هێشتا شۆڕشی زهنیه‌ت و به تایبه‌تی شۆڕشی حه‌زکردنی مرۆڤ سه‌رنه‌که‌وتووه بۆیه هه‌ر په‌یوه‌ندییه‌کی ته‌نگی نێوان دووکه‌س ئه‌نجامه‌که‌ی یه‌کتر راکێشان ده‌بێ به‌ره‌و کۆیله‌کردنی ئه‌شق. لێره‌دا ناڵێم ئه‌شق و خۆشه‌ویستی نییه، من ده‌ڵێم هه‌یه به‌ڵام پێویسته له مرۆڤدا ژیان بکات به گشتی، چونکه له هه‌موو پیاو و ژنێکدا ئه‌و پێوانانه‌ی که من قبوڵمن ده‌بینم و ناتوانم هه‌موویانم خۆش نه‌وێت، به‌ڵام ئه‌وه‌ش هه‌یه که هه‌موو ئه‌و پێوانانه‌ی که بۆ خۆشه‌ویستی پیاوێک دیاریم کردوون، مومکین نییه هه‌مووی له شه‌خسێکدا ببینم چونکه هه‌ر که‌سێک موساعیده بۆ ته‌سلیمیه‌ت و خیانه‌تکردن له‌راستی، بۆیه ده‌ڵێم گه‌ڕان به‌دوای که‌سێکدا هه‌رچۆنێک بێت غه‌فڵه‌ته و له‌خۆخه‌ریک کردن و کات به‌فیڕۆدان به‌ولاوه هیچیتر نییه. بۆیه من ده‌ڵێم پێش ئه‌وه‌ی ئاشقی پیاوێک بین ده‌بێ ئاشقی مرۆڤ و سروشت و ژیان بین.
که‌واته ئیدی کاتی ئه‌وه هاتووه بڕیار بده‌ین که هه‌مه لایه‌نه به‌شداری ئایدیۆلۆژی سه‌رۆک بین چونکه دڵێک که جێی ته‌نیا پیاوێک یا ژنێکی تێدا ببێته‌وه، ئه‌و دڵه مومکین نییه به ته‌واوی رێگا بداته ژیان کردنی گه‌لێک و سه‌رۆکێک. ئه‌گه‌ر رێگاشی پێبدات، ئه‌وا زۆر به‌هێز نییه و رۆژێک دێت دووچاری سڕینه‌وه دێت. راسته مرۆڤ خاوه‌ن ته‌بیعه‌تێکه به به‌رامبه‌ره‌که‌ی کاریگه‌ر ده‌بێ و کاریگه‌ریش ده‌کات هیچ ئه‌مه ئینکار ناکرێ، به‌ڵام شتی گرنگ لێره‌دا هونه‌ری شه‌ڕکردنه واته له هه‌سته‌کانت رامه‌که، به‌ڵام له به‌رامبه‌ریشیدا بن مه‌که‌وه و ته‌سلیمی مه‌به، که‌واش بوو ئه‌وا تۆ مرۆڤێکی له خۆباوه‌ڕ و به ئیستقرارت لێ ده‌رده‌چێ و رۆژانه خۆ نوێکردنه‌وه پێش ده‌که‌وێ، له‌م لایه‌نه‌وه به‌هه‌ڵه لێم تێنه‌گه‌ن و حه‌زیش ناکه‌م که بڵێن: به‌ڕاستی هه‌ڤاڵ ڤیان خۆی چاره‌سه‌ر کردبوو و ئازاد بوو. چونکه ئه‌مه راستییه‌که هه‌تا مرۆڤ ژیان بکات، ده‌بێ تێبکۆشێ و نه‌هێڵێت بچووک بێته‌وه و به‌ره‌و کۆیلایه‌تی بچێت، منیش وه‌ک ژنێک لایه‌نی گه‌له‌نه‌کسه‌لی ژنم تێدایه به‌ڵام ئه‌وه‌ی بۆ خۆمم به بنه‌ما گرت ئه‌وه بوو که به هیچ جۆرێ هه‌سته‌کانم پشتگوێ نه‌خست وه‌لێ قه‌د ته‌سلیمیشیان نه‌بووم و بن نه‌که‌وتم، هه‌روه‌ها ئه‌گه‌ر هه‌ستم کردبێ که رۆژێک هه‌ڤاڵێکی کوڕم له نێو تێکۆشاندا کاریگه‌ر کردبێ و بووبێته هۆی لاوازی له تێکۆشانیدا ئه‌وا زۆر له خۆم عاجز بووم و لێپرسینه‌وه‌م به‌بنه‌ما گرتووه، چونکه ده‌زانم وه‌کو ژنێک، وه‌کو کوردێک ده‌توانم شۆڕشگێڕ پێش بخه‌م به‌ڵام مافم نییه که مرۆڤ له خزمه‌تی شۆڕشگێڕییان بکه‌م، به هه‌رحاڵ منیش وه‌ک ژنێک له به‌رامبه‌ر راستی سه‌رۆکایه‌تی، گه‌ل و ته‌واوی ژنانی ئازادیخواز و له به‌رامبه‌ر ئێوه‌ی خۆشه‌ویست وه‌ک هێزی ژن له هه‌فته‌نین و ته‌واوی هێزه‌کانی YJA-STAR و ته‌واوی هه‌ڤاڵانی تێکۆشانم ره‌خنه‌دانی خۆم ده‌ده‌م و ئه‌گه‌ر که‌م و کورتییه‌کم، له ئێوه‌دا زویربوونی دروست کردبێ، ئه‌وا داوای لێبوردن ده‌که‌م، لێره‌دا دوایی به‌م به‌شه‌ی نامه‌که‌م دێنم به‌و هیوایه‌ی له کۆنفرانسی کادیر و ته‌واوی تێکۆشاندا سه‌رکه‌وتن به‌دی بهێنن. هه‌مووتان له دڵه‌وه به هه‌ستی ژنێتییه‌وه سڵاو ده‌که‌م و یه‌که یه‌که‌تان ماچ ده‌که‌م.
له‌گه‌ڵ سڵاو و رێزمدا
2006/01/27
VIYAN.info