وه‌ڵێ گرد چێوی سڵام و حورمه‌تم هه‌ن په‌ی ئه‌دایم و تاته‌یم و واڵه‌کام و براکام و گردوو قه‌وموو که‌س و کاری. چه‌مێ ێوه‌یوه‌یتا ماچێ كه‌روو و هیواو سڵامه‌تی و له‌ش ساقیتا په‌ی موازوو.
ئازیزا نزیک به 10 ساڵێن به هۆ هه‌ل و مه‌رجوو لێكۆشانی و نه‌ختێچ عادز بیه‌یم جه شـمه، نامێم په‌ی نه‌کیاسێندێ. سه‌ره‌تا که به‌شداره‌و شۆڕشوو رزگاریوازوو گه‌لوو کوردی و حه‌ره‌که‌توو ئازادی ژه‌نێ به رابه‌ری PKK ی و سه‌رۆک ئاپۆی بیا، فره جه یۆترینی نه‌یاوێنمێنه. په‌وکی تۆزێو یۆترینما عادز که‌رد. به‌ڵام شۆنه‌و 10 ساڵێره همێدواره‌نا ئیتر بیاودێنه و مانا بده‌یدێ پا رێبازه‌ی که من و هه‌زاران کوڕ و کناچه‌ی جوانوو هه‌ر چوا پارچه‌و کوردستانی دلێشه‌نه ره‌نج و کۆشش مده‌یمێ. شمه ئیتر گه‌ره‌کتا بۆ یا گه‌ره‌کتا نه‌بۆ، بنه‌ماڵه و عایله‌و شۆڕشیندێ و ئانه‌تا چه‌نه نمه‌ی که به‌ره‌و یانه‌یتا و دڵوو وێتا، ڕووه‌و هه‌ڤاڵاو ئا فیکر و هه‌ده‌فه‌یه گێردێ که کناچه‌کێتا و به ملیۆنان ئینسانێ عاشقێشه‌نێ. شمه که‌سانێوه‌ندێ که ساحێبوو ڕێزی و پله و پایه‌ی کۆمه‌ڵایه‌تیندێ. کوردێوه‌ندێ که جه دێرینه‌و وێتانه، هه‌ڵه‌بجه و ئه‌نفال و ده‌یان قوربانیی ته‌ری، شاهێدی په‌ی ته‌وره‌ی نیشتیمان په‌روه‌رانه‌ێتا مدا. گه‌لێوه‌نمێ که فه‌لسه‌فه‌و کۆششیما سه‌روو ڕاستی شێر شێره‌ن، چ ژه‌نی چ مێره‌ن ئاو‌دان بیه‌ن. ئیتر بیه‌ی ژه‌نێ جه دیاریکه‌رده‌ی چاره‌نویسوو گه‌ڵه‌که‌یشه‌نه پێسه‌و ئینسانی به عه‌یب و لکه‌داربیه‌ی نامووسی مه‌زاندێ. ئیتر په‌یره‌وی جه داب و نه‌ریته کۆنه‌کا کۆمه‌ڵگای مه‌که‌ردێ و دان بنیه‌یدێ به بییه‌و ژه‌نێره، پێسه‌و ئینسانی. چوون دان پۆره‌نییه‌ی به مرۆڤ بیه‌ی و به ئیراده‌بیه‌ی ژه‌نێ، به ماناو مرۆڤبیه‌ی گه‌لی و کۆمه‌ڵگاین. ئه‌گه‌ر پاسه نه‌بۆ ئانه جه ژیواینه نیمچێ بیدێ. ئیتر واده‌و ئانه‌ی یاوان که بڕیار بده‌یدێ و وێتا ساحێبوو مرۆڤایه‌تی و دێرینه‌و قاره‌مانیه‌تی و وه‌روێداو گه‌له‌که‌یما بزاندێ و شمه‌یچ واچدێ: پێسه‌و هه‌ر کوردێوه به‌شه‌ره‌فی و به‌نامووسی هه‌نمێ و به پاو تواناو وێما خزمه‌ت که‌رمێ. کاتێ که من جه شمه بڕیانێ 15 ساڵێم بێ، ئیسه ته‌مه‌نم بیه‌ن 24 ساڵێ. تکا که‌روو تۆزێ ڕاستییانه ویر که‌ردێوه، په‌رستێ ئی کناچێتا تا ئیسه چێشش که‌رده‌ن؟ چه‌نی و په‌ی چێشی کۆشیه‌ینه؟ چی مه‌گه‌ر ئادێچه نه‌تاوێ، یان چی گه‌ره‌کش نه‌وێ پێسه ئاوازێ و خالێدی و به ده‌یان که‌سا ته‌ری گێڵۆوه په‌ی وێش بژیوۆ. بازدێ هه‌ڤاڵێ بیا یانه‌تاو شمه‌یچ لوودێ لاشا و نامه‌کا من واندێوه و پرسیاروو ژیواو من و هه‌ڤاڵا که‌ردێ. گردوو ڕوێ گۆش گێردێ په‌ی ته‌له‌ڤزیۆنه‌وڕۆژ ی و ڕادیۆ ده‌نگوو مێزۆپۆتامیای. کتێبه‌‌کاو سه‌رۆک ئاپۆی واندێوه و ئاوه‌خته جه کناچێ وێتا میاودێنه و مانا مده‌یدێ مه‌نه‌وه‌و من دلێو ئی ژیواینه. من مه‌واچوو ئینه‌ی که‌ردێ و ئانه‌ی که‌ردێ، وێتا ده‌س بنیه‌یدێ سه‌روو ویژدانیتا و بڕیاره‌و وێتا بده‌یدێ. چی باره‌وه سه‌باره‌ت به وێم ته‌نیا چێوێ ماچوو، ئادیچ ئانه‌ن که به درێژایی 9 ساڵا ڕوێچ چا ڕوا نه‌که‌وتا فیکروو خه‌یانه‌تی و به دوه‌دڵی و به په‌شیمانی نه‌ژیوانێ. فره‌و چێوا جه ””PKKی فێره بیا و فره و فراوان وه‌شحاڵه و سه‌ربه‌رزه‌نا. یۆ چا چێوه مۆهێما که فێره بیا، وه‌شه‌ویسی ڕاسته‌قینه‌و ئه‌دای و تاته‌ی و واڵێ و برای و مرۆڤی به گردین. ماویوه، فره چه‌نه‌تا تووڕێ بێنا. واچێنا ئینێ په‌ی چێشی جه من به هه‌ڵه میاوانه و ”PKK”ی، پێسه‌و چێوێوه به‌ر جه وێشا وینا. به‌ڵام یاوانێ پا قه‌ناعه‌ته‌ی که ته‌نیا شمه تاوانبارێ نیه‌ندێ. به‌ڵکوو ته‌وروو شمه ئه‌نجاموو گیر و گرفته رامیاری و عه‌قڵیه‌تی و داب و نه‌ریتی سه‌دان ساڵه‌ین و که‌م و کورتی منیچ چی به‌ینه‌نه هه‌ن. چابۆنه‌وه به باشی فرسه‌توو ئانه‌یم وه‌ش نه‌که‌رد که چه‌نیتا گفتوگۆ که‌روو. چی باره‌وه داواو چه‌نه ویه‌رده‌یتا چه‌نه که‌روو و ماچوو: شمه هه‌م پێسه‌و عایله‌ی هه‌م پێسه‌و مرۆڤی کوردی هه‌ندێ دلێ دڵی و مه‌ژگیمه‌نه و جه راو به دێ ئارداو ژیوایێ په‌ر جه به‌خته‌وه‌ریتا ئامادێنا گیانوو وێم فه‌دا که‌روو. پاداشه‌و من په‌ی گردوو خاسییه‌کا شمه خیانه‌تکه‌رده‌ی به ونه‌و شه‌هیدا مه‌بۆ، به‌ڵكوو وێ به ساحێب زانای و وێ فه‌داکه‌رده‌ی بۆ. ئی چالاکییه که من ئه‌نجامش مده‌و جوابێوه‌ن وه‌راوه‌روو سیاسه‌توو قڕكه‌رده‌ی گه‌لوو کوردی و گۆشه‌گیرکه‌رده‌ی سه‌رۆک ئاپوی. جه ڕاو ئازادی گه‌له‌که‌یم و ئازادی ژه‌نه‌ی کوردێ چیروو زڵمی و زۆری و چه‌وه‌سیه‌ینه ئه‌گه‌ر جه گیانیم شیرینته‌ر چێویه ته‌رم شکه به‌ردایا دێناش. چی مه‌رحه‌له‌نه که گه‌لوو کوردی ڕووبه سه‌رکه‌وته‌ی ملۆ و جه گرد لاگێوه‌نه ئینا سه‌روو پایوه و مانه گێرۆ و ڕاپه‌یمایی که‌رۆ، په‌ی کناچێوه پێسه‌و من گیان به‌خت‌که‌رده‌ی وێم به که‌م مزانوو و پێسه‌و گردوو هه‌ڤاڵاته‌ری وێم به قه‌رزاره‌و گه‌لی و ژه‌نه ئازار چه‌شته‌کا مزانوو.
حه‌ز که‌رێنا چێوێ فر‌ێتا په‌ی بنویسوو و په‌ی هه‌ر یویتا چێویه واچوو، به‌ڵام په‌ی ئه‌نجام داو چالاکییه‌که‌یم ته‌نیا چن ساتێوه مه‌نه‌ن و وه‌روو که‌می کاتی مه‌تاوو چینه‌ی زیاته‌رتا په‌ی بنویسوو. چوون جیا جه شمه هه‌یچ واڵه و براو و که‌س و کاری ته‌رم هه‌ن. مشیۆم سۆزوو وێم په‌ی ئادیشاچ باروو سه‌روو زبانی. ته‌نیا چێوێ که چی دمایینه گه‌ره‌کمه‌ن واچووش: ئانه‌ن که ئه‌گه‌ر جه وه‌راوه‌روو یۆترینیوه ساحێبوو وه‌شه‌ویسیه ڕاسته‌قینه‌ی‌ندێ تکام هه‌نه هه‌ده‌ف و ڕێباه‌که‌و من باش بشناسدێ و به هه‌ڵه مه‌یاودێنه. چوون من په‌ی ئانه‌ی ژیوانێ و په‌ی ئانه‌یچه‌ن که به ده‌ستوو وێم شه‌هیدبیه‌ی وێم دیاری که‌روو. وه‌سیه‌تیچم ئانه‌ن که ئاوازه جارێوه‌ته‌ر چه‌کوو من هۆرگێرۆ و گێڵۆوه دلێ باوشه‌و شاخه به‌رزه‌کاو کوردستانی. چوون فره وه‌شه‌م گه‌ره‌که‌نه. په‌وکی ئانه‌یه ماچوو، چوون ئاده شایانه‌و ئانه‌ینه جه دلێ هه‌ڤاڵاو وێشه‌نه بۆ و ڕا نیشانده‌ره و کناچه‌کاته‌ری و جوانه‌کاته‌ری به گردی بۆ، تا وێشا بژناسا و ساحێبوو ئیراده‌ی با.
جه دمایینه جارێته‌ر سڵام و حورمه‌ت و وه‌شه‌ویسی وێم په‌ی گردیتا کیانوو و هیواو شادی و کامه‌رانیتا په‌ی موازوو.
چه‌نی سڵامی و حورمه‌تیم، کناچه گه‌ریلایتا له‌یلا والی حسه‌ینه ئه‌ژناسیای به ڤیان جافه
1/شوباتوو/2006 شه‌وه‌و ئه‌نجامداو چالاکی.
VIYAN.info