ماوه‌یه‌کی درێژ نییه هاتمه ئه‌م هه‌رێمه، ئێره‌م زۆر خۆش ویست، وه‌ک بڵێی سروشته‌که‌ی به‌رده‌وام له‌گه‌ڵمدا قسه‌ی ده‌کرد، زۆر جوان و سه‌رنج راکێش بوو بۆ من، له هه‌مووشی گرنگتر رۆحی فیداکاری و دروستی هه‌ڤاڵان حزوورێکی مه‌زنی دامێ. هه‌موو هه‌ڤاڵانم زۆر خۆشویست به پیاو و ژنه‌وه، وه‌کو مرۆڤ، وه‌کو که‌سانێکی که هه‌رکات گاڵته به مردن ده‌که‌ن، به‌ڵام له‌گه‌ڵ ئه‌وه‌شدا زۆر شتی که نه‌فره‌تم لێکرد و ره‌خنه‌م کرد و له‌مه‌ودواش ره‌خنه‌ی ده‌که‌م هه‌یه، به تایبه‌تی له‌نێو زۆر که‌سایه‌تیدا دوودڵی و بێ باوه‌ڕی، گله‌یی کردن و قڕێژکردنی ئه‌شق و خۆشه‌ویستی، یان به‌گشتی هه‌ڵوێستی که‌سایه‌تی گه‌له‌نه‌کسه‌لی ژن و، فیوداڵێتی و له‌خۆڕازیبوونی پیاو بۆ جارێکیدی لێره‌دا منی له ناخه‌وه بریندار ده‌کرد، له‌وانه‌یه هه‌ندێک جار له‌لایه‌نی ئیفاده‌کردن و ئوسلوبه‌وه ئیوه‌م زویرکردبێ، بۆیه داوای لێبوردنتان لێ ده‌که‌م، به‌ڵام جارێکیدی له پشت ئه‌و ره‌خنانه‌م راده‌وه‌ستم که پێشم خستووه سه‌باره‌ت به نزیکبوونه‌وه‌ی که‌م و لاواز ئه‌و ره‌خنه و ره‌خنه‌دایین و کولتووری ده‌ده‌قوودی و ته‌رزی تێکۆشانێکی داخراو و نهێنی که به‌رده‌وام وه‌ک دینامیتێکه بۆ رێکخستن، له‌و بڕوایه‌دام هه‌ریه‌ک له ئێوه و هه‌ر کادیرێکی (PKK) له به‌رامبه‌ر پێشخستنی ژیانی رێکخستن و پاراستنیدا و هاوکات له به‌رامبه‌ر پێشخستن و پاراستنی مرۆڤ له که‌وتنه نێو بێ باوه‌ڕی و بێ بڕیاری و خیانه‌ت خۆ به‌رپرسیار ببینن له کات و شوێنی خۆیدا ره‌نجی فیکری و ژیانی بده‌ین، هیچ شتێکی که به‌سه‌ری نه‌خه‌ین و ئه‌نجام نه‌گرین نییه، چونکه له بنگه‌هی دووباره‌بوونه‌وه و چاره‌سه‌رنه‌کردنی کێشه‌کانی ژیانی رێکخستنیمان و به ته‌واوی سه‌رنه‌خستنی ئه‌و هه‌ڵمه‌ته سیاسی و ته‌کتیکیانه‌ی که بۆ ئازادکردنی سه‌رۆک و چاره‌سه‌ری کێشه‌ی کورد دیاری ده‌که‌ین، بێ به‌رپرسیارێتی کادیر و به پارتی نه‌بوونیه‌تی، یانی ئه‌و مه‌نتقه هیارارشییه‌ی ئێمه‌یه که پاراستن و پێشخستنی رێکخستن ته‌نیا عایدی توێژێکی بچووک واته (به‌ڕێوه‌به‌رایه‌تی) ده‌بینن، کاتێک ئه‌مه ده‌ڵێم وا تێمه‌گه‌ن که تاک لایه‌نه کادیر یان تاک تاوانبار ده‌بینم، چونکه که‌م وکورتی و لاوازی رێکخستنیشی به ئه‌ندازه‌ی کادیر هه‌یه و ده‌بینرێ، زاته‌ن لای من به‌رده‌وام فۆرمیلی “پێشکه‌وتنی تاک یه‌کسانه به پێشکه‌وتنی رێکخستن و پێچه‌وانه‌که‌شی راسته”، تێڕوانینێکی سه‌ره‌کییه له به‌ده‌سته‌وه‌گرتنی کێشه‌کان و له “ئۆڵایی” و “ئۆڵگو” (رووداو و دیارده‌کان)دا، له‌سه‌ر ئه‌م بنه‌مایه‌ش ده‌ڵێم نهێنی “پارتی بوون” و سه‌رکه‌وتنی کادیر ته‌نیا شتێکه ئه‌ویش ئه‌وه‌یه که سه‌ره‌ڕای هه‌بوونی لاوازی و که‌موکورتییه‌کانی رێکخستن، خۆ به خاوه‌نی رێکخستن ببینێ و خۆی به پارچه‌یه‌کی سه‌ره‌کی ببینێ و هاوکات ره‌خنه‌ی بکات و بۆ پێشخستنیشی له دڵه‌وه هه‌وڵی بۆ بدات. بۆیه چه‌نده زه‌حمه‌تیش بکێشین و بشکێین هه‌ر ده‌بێ ئه‌م ژیانه، ئه‌م رێکخستنه له چاومان باشتر بپارێزین، چونکه ئه‌م رێکخستنه رێکخستنێکی ده‌وڵه‌ت و یان چینێکی سه‌رده‌ست نییه. رێکخستنێک نییه که هێزی خۆی ماددی و مه‌عنه‌وی له جێیه‌کی دیکه دزی بێت، ئه‌م رێکخستنه به ئاره‌قه‌ی نێوچاوانی گه‌لێکی ره‌نجده‌ر و خوێنی گه‌ش و شیرینی به هه‌زاران کچ و کوڕی دڵگه‌رم و ئاشق خوڵقێنراوه، بۆیه خاوه‌ن لێده‌رکه‌وتنی واتای خاوه‌ن ده‌رکه‌وتن له شه‌هیدان و گه‌ل و وه‌کو شه‌خس خاوه‌ن که‌سایه‌تی به ئه‌خلاق و به شه‌ره‌فه، پێچه‌وانه‌که‌شی داڕووخانێکی ئه‌خلاقی و بێ ویژدانییه‌کی مه‌زنه که ئه‌نجامه‌که‌ی وه‌کو رێزان و نوژین ئاسا به‌ره‌و خیانه‌ت ده‌چێ.
هه‌ڤاڵانی هێژا
له‌وانه‌یه ئه‌م چالاکییه‌ی من کاریگه‌ری له‌سه‌ر ئێوه بکات، به‌ڵام تکام ئه‌وه‌یه که به شێویه‌کی عاتفی نزیک نه‌بنه‌وه و زویر نه‌بن (ئوزلمه‌یین). چونکه هه‌ڵمه‌تی 2006 به‌شداربوونێکی به‌هێز و ئاوارته‌ی له هه‌موومان ده‌وێ. منیش وه‌کو کادیرێک، وه‌کو ملیتانێکی ژن به‌مشێوه‌یه ده‌مه‌وێ کاتکی “به‌شداربوونی” خۆم نیشان بده‌م و په‌یامی خۆم بده‌مه هێرشه‌کانی کۆمپلۆ له ده‌ره‌وه و ناوه‌وه‌ی رێکخستندا و هاوده‌نگی خۆم له‌گه‌ڵ چالاکییه‌کانی گه‌لدا بکه‌مه یه‌ک ده‌ڵێن کات وه‌کو خه‌نجه‌رێکه ئه‌گه‌ر نه‌یبڕیت، ده‌تبڕێت، بۆیه کاتی ئێمه‌ش بۆ په‌روه‌رده و ئاماده‌کاری هه‌تا به‌هاره، به بۆنه‌ی منه‌وه هیچ رۆژێکیش له به‌رنامه مه‌گۆڕن، چونکه هه‌ریه‌ک له ئێوه‌ش له هێڵی فیداییدا بۆ به‌هار خۆتان حازر ده‌که‌ن، منیش یه‌کێکم له ئێوه و له ئێستاوه ئه‌گه‌ر بتوانم سه‌ری بخه‌م، ئه‌رکی ئاسایی ملیتانێتی خۆم پێک ده‌هێنم، چالاکی ئه‌م قۆناخه هه‌مه‌لایه‌نه‌یه. واته ته‌نیا به شێوه‌ی زیلان و سه‌ما نابێ.
ده‌زانم که فیدایه‌تی لایه‌نی ژیان و بڕیار و پێشه‌نگایه‌تیکردنی، پراکتیزه‌کردنی ته‌کتیک و تێگه‌یشتنی فه‌لسه‌فه و ئایدیۆلۆژی و په‌یوه‌ندی هه‌ڤاڵێتی دروست و بێ دوودڵی چوینه به‌سه‌ر هه‌ده‌فدا و خوڵقکاری و مسۆگه‌ر کلیل بوونه به سه‌رکه‌وتنه‌وه، له‌و بڕوایه‌دام که هاوڕێبازانم سه‌رباری هه‌موو که‌م و کورتییه‌کانیان خاوه‌ن له‌م راستییه ده‌رده‌که‌ون هه‌روه‌ک چۆن له ده‌می رابردوودا لێی به خاوه‌ن ده‌رکه‌وتن، به‌ڵام ئه‌وه‌ش راستییه‌که که له رابردوودا نیوناچڵ ئه‌م راستییه‌مان پێکهێنا هه‌تا ئێستاش وه‌کو کادیر راوه‌ستانی وه‌سه‌ت و ناوینمان تێنه‌په‌ڕاندووه، له‌م لایه‌نه‌وه بڕیاری من بۆ پێکهێنانی چالاکی به شێوه‌یه‌کی وه‌ها له پێناو جارێکیدی قازانج کردنی واتایه بۆ ئه‌و گوتنانه‌ی که ده‌یکه‌ین و رزگاربوونه له‌و کێشانه‌ی که دووباره ده‌بنه‌وه. ناڵێم با که‌ماسی نه‌بێ، به‌ڵام دووباره‌بوونه‌وه مه‌ترسیداره و بنگه‌که‌شی له به‌ته‌واوی باوه‌ڕنه‌کردن و ئیقناع نه‌بوونمان به گوتنه‌کانمانه‌وه دێت. چالاکی من پێش هه‌رشتێ ره‌خنه‌دانێک ده‌بێ له هاوڕێیه‌تی لاوازم له گه‌ڵ سه‌رۆکدا و که‌مێکیش بێت ده‌مه‌وێ رۆڵ بگێڕم له پێشخستنی شۆڕشی زهنی و ویژدانی و ئه‌خلاقی له نێو ته‌ڤگه‌ری گشتی و ئاپۆچی و ته‌ڤگه‌ری ژن به تایبه‌تیدا. سه‌رچاوه‌ی هێزی ئه‌م چالاکییه‌ش ئه‌و ئیلهامه‌یه که له‌به‌رگرینامه‌کانی سه‌رۆک و زیندووبوونه‌وه‌ی رۆحی (PKK) وه ده‌یگرم. هاوکات چالاکییه‌که‌م له دژی تۆپ یه‌کون (هه‌مه‌لایه‌نه)ی دوژمن له‌سه‌ر سه‌رۆک و گه‌ل و ته‌ڤگه‌ر رفلێکسێکی قه‌بووڵ نه‌کردنی سیاسه‌تی مارژیناڵ کردنی (PKK) و بێ سه‌رۆکایه‌تی چاره‌سه‌ری کێشه‌ی کورده و سه‌رله‌نوێ نیشان دایینی نه‌ریت و گه‌له‌نه‌کی به‌رخۆدانی کادیری ته‌ڤگه‌ر و ملیتانی ژنی کورده.
نامه‌وێ زۆر درێژی بکه‌مه‌وه چونکه ئه‌م راستییانه له لایه‌ن هه‌رکه‌سێکه‌وه ده‌زانرێ، به‌ڵام ئه‌وه‌ی که‌مه له‌گه‌ڵ زانیندا هه‌رکات و ساتێ هه‌ستکردنه. واته له‌نێوان زانینه‌کانمان و کردارماندا پردی هه‌ستکردن لاواز بووه، بۆیه ئه‌وه‌ی ده‌زانین باش پێکی ناهێنین، له دواییدا ئه‌مه‌وێ ره‌خنه‌ی خۆم بده‌م و داوای لێبوردنتان لێبکه‌م بۆ ئه‌وه‌ی که له‌م دواییانه‌دا وه‌کو پێویست به‌شداری کار و خه‌بات و په‌روه‌رده نه‌بووم، به‌ڵام هه‌مووتان له دڵه‌وه سڵاو ده‌که‌م و یه‌که یه‌که هه‌مووتان له‌باوه‌ش ده‌گرم، له‌بیرم نه‌چێ ده‌بێ به تایبه‌ت داوای لێبوردن له‌و هه‌ڤاڵانه بکه‌م که له هه‌مان کۆمیسیۆندا بووین، به‌ڵام دڵنیام که هه‌ڤاڵ ده‌زانن زۆر به باشی ده‌ور بگێڕن.
دووباره له‌گه‌ڵ رێز و سڵاومدا
2006/01/26
VIYAN.info