بۆ هه‌موو گه‌لی کوردی نیشتمان په‌روه‌ر و به‌رخۆدانڤان

مێژوو ئه‌وه‌ی سه‌لماندووه‌ که‌ گه‌لی کورد گه‌لێکی قاره‌مان و خۆبه‌خته‌، سه‌ره‌ڕای سیاسه‌تی نکوڵی و قڕکردن و به‌عه‌ره‌بکردن وتورک کردن و فارس کردن، به‌ هه‌موو که‌موکورتییه‌کانی خۆیه‌وه‌ هه‌بوونی خۆی پاراستووه‌ و له‌ مێژوودا نه‌سڕاوه‌ته‌وه‌، به‌رده‌وام ده‌وڵه‌ته‌ داگیرکه‌ره‌کان گوتویانه‌ تۆ مه‌گه‌ر تورک بیت یان عه‌ره‌ب و فارس بیت مافی مرۆڤ ئاسا ژیان و مافی هاووڵاتیبوونت هه‌یه‌. ده‌وڵه‌تانی زلهێزی جیهانیش بێ‌ راوه‌ستان ده‌فکرن که‌ چۆن و که‌ی و له‌کوێ‌ له‌پێناو به‌رژه‌وه‌ندی سیاسی خۆیاندا کوردان وه‌ک پیۆنێک به‌کار بهێنن و یارییه‌که‌یان قازانج بکه‌ن، توێژی سه‌رده‌ستی کوردان، واته‌ به‌کرێگیراوه‌کانی کوردانیش له‌پێناو به‌رژه‌وه‌ندی ته‌سکی حزبایه‌تی و بنه‌ماڵه‌یی و تاکه‌که‌سی خۆیاندا به‌رده‌وام له‌هه‌وڵی هه‌ڕاج کردن و بازرگانی کردنی گه‌لی ره‌نجده‌ری کوردن، واته‌ گه‌لی کورد له‌ڕه‌وشێکدایه‌ که‌ نموونه‌ی له‌ هیچ لایه‌کی جیهاندا و له‌ مێژوودا نه‌بینراوه‌، گه‌لێکی گۆشه‌گیرکراو و ته‌نیایه‌ و وه‌ک کۆمێکی تاوانبار و تێکده‌ر ده‌بینرێ‌، ئه‌م ره‌وشه‌ش به‌ درێژایی 5 هه‌زار ساڵه‌ ژیان ده‌بێ‌ و له‌ دژی ئه‌مه‌ کوردان ئه‌وه‌نده‌ی توانیویانه‌ به‌هه‌زار شه‌ڕ و شۆڕ و کوشت و بڕین و کۆچبه‌رکردن به‌ ئێشێکی مه‌زنه‌وه‌ ته‌نیا خۆیان پاراستووه‌ و هاتوون هه‌تا سه‌ده‌ی بیست و یه‌که‌م.

سه‌رۆک ئاپۆ و ته‌ڤگه‌ری رزگاری نه‌ته‌وه‌یی کوردستان به‌ درێژایی زیاتر له‌ سی ساڵ‌ موداخه‌له‌ی ئه‌م ره‌وشه‌ی کردووه‌، ئه‌مڕۆش گه‌لی کوردی هێناوه‌ته‌ ئاستی تێکۆشانی وه‌ها ئیدی ته‌نیا خۆپاراستن و کوشت و بڕین وه‌ک قه‌ده‌رێک په‌سند ناکات پڕ به‌ دنیا هاوار ده‌کات و هه‌وڵی دوایی هێنان به‌ تراژیدیاکانی ده‌دات و ده‌یه‌وێ‌ ده‌ستی چاره‌سه‌ری دیموکراسی و ئاشتییانه‌ی بۆ درێژ بکرێ‌، که‌چی نه‌ ده‌وڵه‌تانی به‌ناو پارێزره‌ری مافی مرۆڤی جیهان و نه‌ ده‌وڵه‌تانی داگیرکه‌ری سه‌ر کوردستانیش نه‌ک ته‌نیا وه‌ڵامی ده‌ستی ئاشتی ناده‌نه‌وه‌، به‌ڵکو هه‌تا دوایی به‌ وه‌حشه‌تێکی مه‌زن به‌ شه‌ڕ و فشار وه‌ڵامی ده‌درێته‌وه‌ و ته‌سلیمیه‌ت و نۆکه‌رێتی به‌سه‌ردا ده‌سه‌پێنرێ‌، ئه‌مه‌ش گرێدارو به‌ کۆمپلۆی نێوده‌وڵه‌تی له‌ چوارچێوه‌ی کۆنسێپتێکی نوێدا به‌ڕێوه‌ ده‌چێ‌. ناوی ئه‌م کۆنسێپته‌ش بێ‌ روومه‌ت کردن و شکاندنی ئیراده‌ی کوردی سه‌ربه‌خۆیه‌، واته‌ کورد ئینکار ناکات، به‌ڵام چاره‌سه‌رییه‌کی بێ‌ سه‌رۆک، بێ‌ (PKK) به‌ بنه‌ما ده‌گرێ‌ بۆیه‌ شتێکی رێکه‌وت نییه‌ که‌ له‌ لایه‌ک هێرش ده‌کاته‌ سه‌ر گه‌ریلا و گه‌لی چالاکڤان و سه‌رۆک و له‌ لایه‌کی دیکه‌شه‌وه‌ کورده‌ گوێڕایه‌ڵه‌کانی خۆیان خستۆته‌ ناوه‌ندی پرۆژه‌ی رۆژهه‌ڵاتی ناوینی مه‌زنه‌وه‌ و به‌ڵێنی ئاواکردنی ده‌وڵه‌ت و ستاتۆیه‌کی گرێدراوی خۆیانیان پێده‌ده‌ن.

وادیاره‌ ساڵی 2006 زۆر به‌ گه‌رمی تێپه‌ڕ ده‌بێت، دوژمن شه‌ڕی هه‌مه‌لایه‌نه‌ (تۆپ یه‌کون)ی راگه‌یاندووه‌ و په‌یتا په‌یتا پێکی دێنێ‌. له‌سه‌ر ئه‌م بنه‌مایه‌ پێویسته‌ ئێمه‌ش وه‌کو گه‌لی کورد له‌ هه‌ر لایه‌ک تێکۆشانێکی هه‌مه‌لایه‌نه‌ی به‌هێز په‌یڕه‌و بکه‌ین و ساڵی 2006 ته‌نیا وه‌کو ساڵی خۆپاراستن نابێت به‌ڵکو بیکه‌ینه‌ ساڵی دیاریکردنی چاره‌نووسی کوردان و چاره‌سه‌ری بکه‌ینه‌ ئامانج. له‌م لایه‌نه‌وه‌ گه‌ره‌نتی سه‌رکه‌وتن له‌ده‌ستی ئێمه‌دایه‌ به‌مه‌رجێ‌ هه‌رکه‌س به‌کاری خۆی هه‌ستێ‌ و له‌شه‌ڕی پاراستنی روومه‌ت و ئیراده‌ی خۆی و گه‌له‌که‌یدا جێ بگرێ. بۆ ئه‌مه‌ش هه‌ر تاکێکی کورد، هه‌ر ده‌زگا و رێکخراو و پارتییه‌ک، هه‌ر گوند و شار و شارۆچکه‌ و شاره‌وانییه‌ک هه‌ر چین و توێژێک که‌ خۆی به‌ مرۆڤ و به‌ کورد ده‌زانێ‌ ده‌بێ‌ له‌م ساڵه‌دا خاوه‌ن نه‌خشه‌یه‌کی چالاکی بێت، ئامانجی ئه‌م نه‌خشه‌یه‌ش ته‌نیا و ته‌نیا ئازادی و سه‌رکه‌وتن به‌بنه‌ما بگرێت. واته‌ ئیدی بێ‌ باوه‌ڕی و بن که‌وتن نا، به‌ڵکو له‌ سه‌ده‌ی بیست و یه‌که‌مدا به‌ تێکۆشینی جه‌وهه‌ری خۆمان چاره‌نووسی خۆمان دیاری بکه‌ین. له‌ ده‌می نزیک و دووردا ده‌بێ‌ سێ‌ شت بکه‌ینه‌ ستوونی سه‌ره‌کی نه‌خشه‌ی چالاکییه‌کانمانه‌وه‌ و هه‌موو هێز و توانا و به‌هره‌مه‌ندییه‌کانمان له‌و پێناوه‌دا بخه‌ینه‌گه‌ڕ: یه‌که‌میان وه‌کو گه‌لی کورد و ژنانی کورد ده‌بێ‌ له‌ پێناو ئازادی سه‌رۆک ئاپۆ به‌رده‌وام هه‌نگاوی “بێ‌ سه‌رۆک ئاپۆ ژیان نابێ‌” هه‌ڵبهێنین و ئه‌م راستییه‌ له‌ چوارچێوه‌ی دروشمێک ده‌ربخه‌ین، بۆ ئه‌مه‌ش ده‌بێ‌ هه‌ر رۆژێکمان وه‌ک 15ی شوباتی 1999 به‌ رۆح و به‌ گه‌رمی ده‌رباز بکه‌ین، به‌ڵام به‌ شێوه‌یه‌کی زانستیتر و به‌ڕێکخستوو بێت، چونکه‌ 15ی شوباتی 1999 به‌ڕاستی شاهانه‌ بوو، به‌ ته‌واوی مرۆڤی کورد سه‌لماندیان که‌ سه‌رۆک ئاپۆ بۆ ئه‌وان راستییه‌کی ده‌ست لێبه‌رنه‌دراو و گه‌رچه‌کێکی سه‌ره‌کی شه‌ڕ و ئاشتییه‌، له‌و بڕوایه‌دام جارێکیدی رفلێکسی کوردان له‌ دژی کۆمپلۆ جارێکیدی بگه‌ڕێته‌وه‌ بۆ ده‌می 15ی شوبات. مسۆگه‌ر گۆڕانێکارییه‌کی جددی له‌ ره‌وشی سه‌رۆکدا دروست ده‌کات و له‌ ده‌مێکی کورتدا زه‌مینی ئازادی و سه‌ربه‌ستبوونیشی گه‌ره‌نتی ده‌که‌ین چونکه‌ رۆحی به‌رخۆدانی و بوێری گه‌لی کورد له‌ 15ی شوباتی 1999دا رۆحێک بوو دنیا له‌به‌رامبه‌ریدا ده‌له‌رزێ‌، به‌م بۆنه‌یه‌وه‌ بانگ له‌ ته‌واوی گه‌لی کورد و له‌ هه‌رچوارلای جیهان ده‌که‌م که‌ 15ی شوباتی ئه‌م ساڵیش بکه‌ینه‌ سه‌ره‌تایه‌کی نوێ‌ له‌ تێکۆشانی ئازادیماندا.

دووه‌میان له‌سه‌ر هێڵی پاراستنی ره‌وا بێ‌ ئه‌وه‌ی خوێن رشتنی مرۆڤ بکه‌ینه‌ ئامانج و زه‌ره‌ر به‌ یه‌کێتی نێوان گه‌لان بده‌ین ده‌بێ‌ شانبه‌شانی چالاکی به‌رخۆدانی دیموکراتی ته‌واوی گه‌نجان و ژنان هه‌ریه‌ک وه‌کو گه‌ریلایه‌ک رووی خۆیان بکه‌نه‌ چیاکان و هاوکاری له‌ شاره‌کانیشدا به‌ به‌کارهێنانی مافی مسلله‌مه‌ ته‌نیا له‌ (HPG) چاوه‌ڕوان نه‌که‌ن، سه‌رچاوه‌ی ماددی و مه‌عنه‌وی هێزه‌ شه‌ڕخوازه‌کان و ئه‌و داموده‌زگایانه‌ی ده‌وڵه‌ت بکه‌نه‌ ئامانج که‌ رۆڵیان هه‌یه‌ له‌ قووڵکردنه‌وه‌ی بێ‌ چاره‌یی و قڕکردنی کورداندا، گه‌نجان و ژنانی کورد وه‌ک دوێنێ‌ کردوویانه‌، ئه‌مڕۆش ده‌توانن چوارچێوه‌ی چالاکی پاسیڤ تێپه‌ڕێنن و هه‌ریه‌ک وه‌ک گه‌ریلایه‌کی شار چالاکی مه‌زن بکه‌نه‌ ئامانج، چونکه‌ ئه‌مڕۆ رۆژی هه‌وڵ و هیممه‌ته‌ و دانیشتن و لاوازی چالاکییه‌کانمان به‌ده‌لی گه‌وره‌ و ئه‌نجامێک که‌ حه‌قمان نه‌کردووه‌، له‌گه‌ڵ‌ خۆیدا دێنێ‌، بۆ ئه‌مه‌ش ده‌رفه‌ت هه‌یه‌ و ده‌وڵه‌ت له‌نێو له‌رزینێکدایه‌ و هێنده‌ به‌هێز نییه‌ بۆیه‌ چالاکی له‌ چوارچێوه‌ی پاراستنی جه‌وهه‌ریدا ئه‌نجام بده‌ین مسۆگه‌ر ناچار ده‌بێت که‌ ئیمرالی بکاته‌ ئه‌درێسی موخاته‌بی خۆی و ده‌ستی ئاشتی بۆ کوردان درێژ بکات. کاتێ که‌وابوو ئه‌وا وه‌کو ژن و گه‌نجی کورد هیوا و داخوازی ئاشتیمان به‌ واتا ده‌بێ‌ چونکه‌ ئاشتی ره‌نجی ده‌وێ‌ و به‌ده‌لی گه‌وره‌ی ده‌وێ‌.

له‌ نه‌خشه‌ی چالاکییه‌کانی گه‌لدا ستوونی سێهه‌م پێشخستن و رێکخستنی سیسته‌می کۆنفیدرالیزمی دیموکراتی کوردستانه‌، له‌و لایه‌نه‌وه‌ به‌رده‌وام ره‌خنه‌ی سه‌رۆک هه‌یه‌ و ئاماژه‌ به‌ گران حه‌ره‌که‌ت کردنی داموده‌زگا و رێکخراوه‌ به‌رپرسیاره‌کان ده‌کات، پێوانێکی سه‌ره‌کی بۆ وه‌ڵامدانه‌وه‌ی شه‌هیدان و خاوه‌ن ده‌رکه‌وتن له‌ ره‌نج و تێکۆشانی به‌ ساڵانه‌ی گه‌له‌که‌مان هاوکات گرێدانمان به‌ سه‌رۆکه‌وه‌ ئاواکردنی سیسته‌می کۆنفیدرالیزمه‌. چونکه‌ کۆنفیدرالیزمی دیموکراتیک هێڵی چاره‌سه‌ری دیموکراتی سیسته‌می به‌ڕێوه‌به‌رایه‌تی جه‌وهه‌ری گه‌لی کورده‌. ئه‌گه‌ر بێت و ئه‌م سیسته‌مه‌ باش تێبگه‌ین و هه‌موو بواره‌کانی له‌ ژێره‌وه‌ به‌ره‌و ژوور رێک بخه‌ین، ئه‌وا به‌ هیچ شێوه‌یه‌ک موحتاجی ده‌وڵه‌ت نابین و به‌ده‌ست هێنانی مافی زمان و کولتوور و ناسنامه‌که‌مان له‌ ده‌وڵه‌ت نا، به‌ڵکو له‌ خۆمان چاوه‌ڕوان ده‌که‌ین. له‌م چوارچێوه‌یه‌دا به‌شداربوونێکی هه‌مه‌لایه‌نه‌ واته‌ سیاسی و عه‌سکه‌ری و رێکخستنی و…. هتد ئه‌نجام بده‌ین. دڵنیام له‌وه‌ی که‌ له‌ ده‌مێکی نزیکیدا رۆژی ئازادی کوردان له‌ دایک ده‌بێت و هه‌روه‌کو چۆن قۆناخی شۆڕشی ژیانه‌وه‌ی نه‌ته‌وه‌ییمان به‌ سه‌رکه‌وتوویی پێشخست، ئه‌وا ئه‌مڕۆش به‌ڕه‌نج و ئیراده‌ی خۆمان قۆناخی چاره‌سه‌ری دیموکراتیش به‌سه‌ر ده‌خه‌ین و دوایی به‌ تراژیدیای نه‌ته‌وه‌یی دێنین.
منیش وه‌ک رۆڵه‌یه‌کی ئێوه‌ بۆ به‌شداربوونی چالاکییه‌کانتان و دانه‌وه‌ی قه‌رزه‌کانم به‌ ئێوه‌ی هێژا و ماندوونه‌ناس له‌ یه‌کێک له‌ لوتکه‌ چیا پیرۆه‌زکانی کوردستاندا سه‌ختی و سنووری دروستکراوی دوژمن له‌نێوان گه‌ریلا و گه‌لدا و سه‌رما و سۆڵه‌ی زستان ده‌به‌زێنم و به‌ چالاکییه‌کی ئاگرین ده‌مه‌وێ‌ گرێدان و راستگۆیی گه‌ریلاتان پێ‌ رابگه‌یه‌نم و مژده‌ و په‌یامی ئه‌وه‌ بده‌م که‌ سه‌رباری هه‌موو که‌موکورتییه‌کانمان هه‌تا زه‌ڕه‌یه‌ک فکر و رۆحی کوردایه‌تی و (PKK)مان تێدا بێت، سه‌ما ئاسا و سه‌ردار ئاری ئاسا به‌ ئیراده‌ و بڕیار ئاماده‌ین بۆ خۆفیداکردن و ده‌ڵێم سه‌رکه‌وتن و ژیان کردن له‌ ژیانێکی پڕ له‌ ئاشتی و ئازادیدا زۆر دوور نییه‌، ئه‌گه‌ر دووریش بێت، هه‌رگیز زه‌مان ناتوانێ‌ باوه‌ڕی و ئیراده‌ی تێکۆشانمان ببه‌زێنێ‌. له‌ دواییدا ده‌ڵێم چ شادم که‌ مناڵی گه‌لێکی وه‌ک ئێوه‌م.

بۆ گه‌لی کورد له‌ باکووری کوردستان

زۆر به‌ حه‌سره‌ته‌وه‌ بووم که‌ رۆژێک له‌ چیاکانی باکووری کوردستانه‌وه‌ دابه‌زم و به‌ره‌و گه‌رمایی سه‌رهه‌ڵدانه‌کانی ئێوه‌وه‌ به‌ڕێ که‌وم، هه‌موو هیوا و ئاواتم ئه‌وه‌یه‌ که‌ به‌ ئازادی و له‌نێو که‌شێکی ئاشتیانه‌دا به‌ زمان و کولتوور و ناسنامه‌ی نه‌ته‌وه‌یی خۆتان بژین و ئیدی مرۆڤ ئاسا بژیانایه‌. له‌وانه‌یه‌ من وه‌کو شه‌خس نه‌یبینم به‌ڵام له‌ ئێستاوه‌ ئه‌م راستییه‌ هه‌ست ده‌که‌م و پێی باوه‌ڕم، زاته‌ن بینینی ئێمه‌ زۆر گرنگ نییه‌ به‌س به‌ شه‌رتێ‌ ئه‌و مناڵانه‌ بیبینن که‌ به‌ ده‌سته‌ خنجیلانه‌که‌یان به‌رد ده‌هاوێژنه‌ ئه‌و کابووسانه‌ی که‌ خه‌و خه‌یاڵه‌ ره‌نگاوڕه‌نگه‌کانیان ده‌شێوێنن و دواڕۆژیان ره‌ش ده‌که‌ن. سه‌رۆک ئاپۆ نزیکی ئێوه‌یه‌ زۆر به‌شانسن به‌ڵام باریشتان زۆر گرانه‌ ده‌زانم، چونکه‌ ئه‌و ته‌نیا سه‌رۆکی گه‌لێک نییه‌، به‌ڵکو ئه‌مانه‌تی مرۆڤایه‌تی و مێژووه‌ بۆیه‌ ئازادکردنی و پاراستنی زۆر زه‌حمه‌ته‌، ماندوونه‌ناسی و تێکۆشانی ئێوه‌ش بێ‌ راوه‌ستان لێره‌وه‌ سه‌رچاوه‌ ده‌گرێ‌ بۆیه‌ پیرۆزه‌ و منیش له‌گه‌ڵ‌ ره‌خنه‌دایینی خۆمدا له‌به‌رامبه‌ر ئێوه‌دا پیرۆزباییتان لێ ده‌که‌م هیوادارم له‌مه‌ودوا به‌ هه‌ڵمه‌تی کۆکردنه‌وه‌ی ئیمزا بۆ ریفراندۆمی دیموکراتی گه‌لی کورد و هه‌موو چالاکییه‌ دیموکراتییه‌کانی دیکه‌ قۆناخی چاره‌سه‌ری دیموکراتی قازانج بکه‌ین، له‌ دواییدا بانگ له‌ ته‌واوی گه‌لی خۆشه‌ویستم ده‌که‌م که‌ له‌ ده‌وروبه‌ری سه‌رۆک ئاپۆ و داموده‌زگا و رێکخراوه‌کانیدا کۆ ببینه‌وه‌ و هیچ که‌س و گرووپ و ده‌سته‌ و تاقمێکی بێ‌ هیوا و لاواز نه‌که‌ینه‌ ئاسته‌نگ، ته‌نیا و ته‌نیا، چا‌ومان له‌سه‌رکه‌وتن بێت.
له‌گه‌ڵ‌ سڵاو و رێزمدا

بۆ گه‌لی کورد له‌ باشووری کوردستان

سه‌ره‌تا له‌ ناو جه‌رگه‌ی چیاسه‌رکه‌شه‌کانی کوردستانه‌وه‌ وه‌ک کچه‌ گه‌ریلایه‌ک سڵاو و رێز و دڵسۆزی خۆمتان پێشکه‌ش ده‌که‌م، هاوکات خۆشحاڵم و له‌دڵه‌وه‌ پیرۆزبایی ئه‌و سه‌رکه‌وتن و ده‌سکه‌وته‌ مێژووییانه‌ی ئه‌مڕۆی باشووری کوردستانتان لێده‌که‌م که‌ به‌رهه‌می خوێنی به‌ هه‌زاران شه‌هید و ره‌نجی تێکۆشانی سه‌دان ساڵه‌ی گه‌له‌که‌مانه‌، ئه‌و پێشکه‌وتنانه‌ی ئه‌مڕۆ له‌ کوردستاندا ژیان ده‌بێ‌، ئێوه‌ی نیشتمان په‌روه‌ری دڵخۆش کردووه‌ به‌ گه‌لێک به‌ده‌ل و قوربانیدانی مه‌زن و پیرۆزی وه‌ک هه‌ڵه‌بجه‌ و ئه‌نفال و ده‌ربه‌ده‌ری و کوشتن و بڕین به‌ده‌ست هاتووه‌، بۆیه‌ پاراستن و به‌رگریکردن له‌ به‌ئیراده‌بوونی گه‌لی کورد له‌ پرۆسه‌ی دیموکراتیزه‌کردنی ئێراق و ئاواکردنی سیسته‌می نوێی ده‌وڵه‌تدا ئه‌رکی هه‌ر کوردێکی به‌شه‌ره‌ف و نامووسه‌ و دژایه‌تیکردنیشی واتای نیازخراپییه‌. لێره‌دا خاڵی هه‌ره‌ گرنگ ئه‌وه‌یه‌ که‌ گه‌له‌که‌مان به‌وپه‌ڕی هه‌ستیاری و هۆشیارییه‌وه‌ ئه‌م ده‌سکه‌وتانه‌ی خۆی بپارێزێ‌ و هه‌وڵی پێشخستنی بدات، چونکه‌ ده‌بێ‌ باش بزانین که‌ هێشتا له‌ کوردستان و هه‌رێمه‌که‌دا به‌ گشتی هه‌ڕه‌شه‌ و زه‌نگی مه‌ترسی شه‌ڕ و شۆڕ و پیلانه‌ گڵاوه‌کانی دوژمنان له‌سه‌ر گه‌لی کورد به‌لاوه‌ نه‌نراوه‌ و پێویستی به‌ هه‌ڵوه‌سته‌کردنێکی گشتگیرانه‌ هه‌یه‌.

ده‌وڵه‌تانی رۆژئاوا به‌ گشتی و ئه‌مریکییه‌کانیش به‌ تایبه‌تی سه‌رباری ئه‌وه‌ی که‌ خۆیان سه‌به‌بی دروستبوونی کێشه‌ی کوردستانن له‌ مێژوودا ئه‌مڕۆ بێ‌ شه‌رمانه‌ پیاوه‌تی به‌سه‌ر ره‌نجی گه‌ل و خوێنی شه‌هیدانمانه‌وه‌ ده‌که‌ن، خۆیان به‌ خاوه‌ن و ئافرێنه‌ری ده‌سکه‌وته‌ مێژووییه‌کانی ئه‌مڕۆی کوردستان ده‌زانن و ده‌یانه‌وێ‌ باشووری کوردستان بکه‌نه‌ قه‌ڵایه‌ک بۆ پاراستنی به‌رژه‌وه‌ندییه‌ سیاسییه‌کانی خۆیان له‌ رۆژهه‌ڵاتی ناویندا. واته‌ هه‌تا ئێستاش له‌ لایه‌ک به‌دوای ئه‌و فڕوفێڵانه‌وه‌ن که‌ چۆن و که‌ی و له‌کوێ‌ کوردی باشوور له‌ دژی ده‌وڵه‌تانی وه‌ک تورکیا و سوریا و ئێران به‌کار بێنن، له‌ لایه‌کی تریشه‌وه‌ بۆ ئه‌وه‌ی کوردان سنووری ئه‌و تێنه‌په‌ڕێنن و له‌ ژێر کۆنترۆڵی خۆیدا بێت، هه‌وڵی ئه‌وه‌ش ده‌دات که‌ باشووری کوردستان بکاته‌ داوێک بۆ کوردی پارچه‌کانی دیکه‌ی‌ کوردستان و به‌مه‌ش کوردان له‌ دژی یه‌کتر به‌کار بهێنێ‌. کاتێ‌ له‌ لایه‌ک (PKK) ده‌خه‌نه‌ لیستی تیرۆره‌وه‌ و سه‌رۆک ئاپۆ ده‌خه‌نه‌ زیندان و له‌ لایه‌کی تریش بۆ سه‌رۆکی پارتییه‌کانی باشوور ‌و فیدراسیۆنی کوردانیش ده‌ڵێن قبوڵ‌، شتێکی رێکه‌وت نییه‌ و ده‌بێ‌ باش ببینرێ‌ و وه‌کو گه‌لی باشوور په‌سندی نه‌که‌ین.

ده‌وڵه‌تانی تورکیا و سوریا و ئێرانیش به‌رده‌وام له‌ هه‌وڵی له‌باربردنی ئه‌زموونی باشووری کوردستانن و له‌ سیاسه‌تی دژایه‌تیکرن و دوژمنایه‌تی پاشگه‌ز نابنه‌وه‌، هه‌رچی هێزی ده‌سه‌ڵاتداری کوردانیشه‌ به‌ تایبه‌تی توێژی سه‌رده‌ست و به‌رژه‌وه‌ندی په‌رست و حزب و بنه‌ماڵه‌کانیشه‌ له‌ ژێر ناوی سیاسه‌ت و کوردایه‌تیدا ده‌مامکیان له‌ رووی خۆیان داوه‌ و بازرگانی به‌ خوێنی گه‌له‌وه‌ ده‌که‌ن، له‌ قۆناخێکی وه‌ها چاره‌نووسساز و گرنگدا که‌ له‌ هه‌ر چوارپارچه‌ی کوردستان و له‌ باکووری کوردستاندا به‌ تایبه‌تی گفتوگۆ له‌سه‌ر ئه‌وه‌ ده‌کرێ‌ دیالۆگی چاره‌سه‌ری سیاسیانه‌ی‌ کێشه‌ی کورد بکرێ‌ گوتنی به‌ڕێز مام جه‌لال که‌ به‌ تورکیا و ئه‌مریکا ده‌ڵێ ” با ئاپۆ بێ‌ ده‌نگ بکه‌ن” عه‌یبێکی زۆر گه‌وره‌یه‌ و پێویسته‌ په‌سند نه‌کرێت، ئیدی شه‌رمه‌ بۆ کوردان که‌ له‌ دژی یه‌کتری پیلان و ته‌ڵه‌ دابنێن، چونکه‌ لاوازی کوردی هه‌ر پارچه‌یه‌ک ده‌بێته‌ لاوازی ته‌واوی کوردستان و چاره‌نووسی هه‌ر چوارپارچه‌ی کوردستان وه‌کو گۆشت و نینۆک پێکه‌وه‌ گرێدراوه‌، به‌ تایبه‌تی هه‌تا کێشه‌ی کورد له‌ پارچه‌ی مه‌زنی کوردستان واته‌ باکووردا چاره‌سه‌ر نه‌کرێ‌ نه‌مومکینه‌ کوردی پارچه‌کانی دیکه‌ به‌ شه‌ره‌ف و به‌ ئازادی بژین. له‌سه‌ر ئه‌م بنه‌مایه‌ بانگ له‌ ته‌واوی گه‌لی کوردی باشووری کوردستان ده‌که‌م که‌ بێ‌ ده‌نگی و بێ‌ به‌رپرسیارێتی له‌به‌رامبه‌ر شۆڕشی باکووری کوردستان په‌سند نه‌که‌ن، چونکه‌ بێ‌ ده‌نگی ده‌بێته‌ هۆی مردن و به‌ مردوویی له‌ دایکبوونی ئیراده‌ و ده‌سکه‌وتی نوێی کورد له‌ باشووردا و زۆر درێژه‌ ناکێشه‌، بۆ ئه‌مه‌ش با هه‌موو ژن و مناڵ‌ و گه‌نج و پیر و رۆشنبیر ده‌نگی خۆیان بۆ ریفراندۆمی دیموکراتی و پاراستنی سه‌رۆک ئاپۆ و په‌سندکردنی وه‌ک ئیراده‌ی سیاسی کورد بده‌ن. به‌ هه‌موو هێز و تواناکانیانه‌وه‌ پشتگیری خۆیان له‌گه‌ڵ‌ چالاکییه‌کانی گه‌ل له‌هه‌موو پارچه‌کانی دیکه‌ی کوردستاندا بکه‌ن، له‌م لایه‌نه‌وه‌ بیروباوه‌ڕی من به‌ڕۆحی به‌رخۆدانی گه‌له‌که‌م هه‌یه‌ چونکه‌ گه‌لی باشوور گه‌لی خۆبه‌ختکردن و گه‌لی هه‌ڵه‌بجه‌ و سه‌رهه‌ڵدانی ئازادییه‌.

منیش وه‌ک کچێکی ئێوه‌ نزیکی 10 ساڵه‌ به‌ کولتووری به‌رخۆدانی که‌ له‌ ئێوه‌وه‌ وه‌رمگرتووه‌ و ئه‌و زانابوون و ئیراده‌یه‌ی که‌ له‌سه‌رۆک ئاپۆ و (PKK) و ته‌ڤگه‌ری ئازادی ژنی کورده‌وه‌ وه‌رمگرتووه‌ له‌ چیاکانی کوردستاندا له‌ هه‌وڵ‌ و تێکۆشاندام بۆ ئازادی گه‌لی کورد و ژنی کورد و هه‌موو هه‌وڵ‌ و هیوا و ئاواتێکم ئازادی گه‌لی کوردی هه‌ر چوارپارچه‌یه‌ و دیموکراتیزه‌بوون و ئازادی زهنیه‌ته‌ له‌ باشووری کوردستاندا و دوایی هێنانه‌ به‌ ئینتیحار و بێچاره‌یی و کۆلایه‌تی ژن و راکردنی گه‌نجان له‌ وڵاتی خۆیان و هه‌موو کێشه‌ کۆمه‌ڵایه‌تییه‌کانی دیکه‌، له‌سه‌ر ئه‌م بنه‌مایه‌ش ئه‌مڕۆ به‌ چالاکییه‌کی گیانبازی ده‌مه‌وێ‌ هه‌ڵوێستی خۆم بۆ گرێدان به‌م ئامانجه‌وه‌ نیشان بده‌م و په‌یامێک به‌ ئێوه‌ی هێژاش بگه‌یه‌نم ئه‌م چالاکییه‌ی من وه‌ک ئینتیحاری ئه‌و ژنانه‌ نییه‌ که‌ له‌ بێزاری و بێچاره‌ییه‌وه‌ سه‌رچاوی گرتبێ‌، به‌ڵکو چالاکییه‌ له‌ پێناو ئه‌شقی ژیان و پێشخستنی زهنییه‌تی چالاکی ئازادیدایه‌ و درێژه‌پێده‌ری نه‌ریتی به‌رخۆدانی ژنانی وه‌ک “له‌یلا قاسم و زیلان و سه‌ما یوجه‌”کانه‌. چه‌ند شاد ده‌بم به‌وه‌ی که‌ ئه‌م په‌یامانه‌م و چالاکییه‌ بگاته‌ گوێی ته‌واوی گه‌له‌که‌م و ته‌واوی گه‌لی کورد و که‌مێکیش بێت وزه‌یه‌ک بده‌مه‌ تێکۆشین و جموجوڵێکی نوێ‌ له‌ نێو گه‌لی باشووری کوردستاندا.

له‌دواییدا وه‌ک کادیرێکی ژنی باشووری کوردستان ره‌خنه‌ی خۆم ده‌ده‌م به‌وه‌ی که‌ وه‌کو پێویست پێشه‌نگایه‌تییه‌کی به‌هێزم ئه‌نجام نه‌دا و سه‌رۆک ئاپۆ و ئایدیۆلۆژیای رزگاری ژن که‌ ئایدیۆلۆژیای شۆڕشی کۆمه‌ڵایه‌تی باشووره‌ به‌ باشی پێم نه‌ناساندن.

– بژی رێبه‌ر ئاپۆ
– بژی (PKK) و (PAJK)
– بژی (KJB) و (KKK)
ــ بژی (HPG) و (YJA-STAR)
ــ بژی هه‌موو شه‌هیدانی رێگای ئازادی
ــ بمرێ‌ خیانه‌ت و کۆمپلۆی نێوده‌وڵه‌تی
– بمرێ‌ هه‌موو جۆره‌ پاشڤه‌ڕۆیه‌تی و ده‌سه‌ڵاتدارێتی

له‌گه‌ڵ‌ رێز و سڵاومدا
1ی‌ شوباتی 2006

بڵاوکرایەوە
هاوپۆلکراوە وەک سۆرانی